خاص: سوق المال
النقيب عبدالله ابراهيم زبادى ضابط في الحماية المدنية كان واقف وسط الدخان والـنار في حريق سنترال رمسيس مش بس كضابط بيأدي شغله ده كان واقف بطل مكمل مشواره
البطولة عمرها ما بتنتهي بموت الأبطال ولكن بالشباب المكمل للابطال المحبين للوطن والواجب هؤلاء هم شباب ورجال مصر الظابط
عبدالله زبادى الذى ظل 15 ساعه بين الدخان والنار ولم يفكر سوى فى شىء واحد وهو الحفاظ وانقاذ الأرواح واخماد الحريق حتى ولو كان المقابل روحه هؤلاء هم رجال الشرطه رجال الحمايه المدنيه الظابط عبدالله زبادى الذى اصبح بطل في حريق رمسيس
الحريقة اللي حصلت في الدور السابع من سنترال رمسيس ماكانتش حريقة عادية المبنى عالي 10 أدوار والـنار امسكت به بسرعة وصعب جدًا توصل لمصدر اللهب
ومع ذلك رجالة الحماية المدنية دخلوا وسط الخطر مش بس علشان شغلهم لأ دول داخلين بروحهم وقلبهم مؤمنين إنهم هناك عشان ينقذوا أرواح ناس مايعرفوهمش بس ده قدرهم وده شغلهم
وفي وسط المشهد اللي كان صعب على أي حد يتحمله ظهر البطل زبادى الشاب
وزمايله دخلوا في معركة مع الزمن والنار وبدأوا ينقذوا اللي يقدروا ينقذوه عشان يمنعوا كارثة من إنها تبتلع المبنى والناس اللي جواه والتى راح ٤ ضحايا واتصاب اشخاص تانية وفى النهايه النار خضعت للرجال الذين كانوا صادقين مع ربنا ومع شغلهم حيث أن البطل عبدالله زبادى تحدثت عنه
السوشيال ميديا واظهرت الكثير من الصور له واتقلبت بعد مشهد جلوسه فى الأرض يلتقط أنفاسه بعد 15 ساعه داخل النار والدخان و الصور انتشرت بسرعة وكل الناس تحدثت عن الضابط الشاب اللي واقف وسط النار بشجاعة والسوشيال ميدا انتشرت بالدعاء له بحفظ البطل
وحيث ان الاهالى بمسقط راس البطل بدأو بالاتصالات على والد البطل المهندس إبراهيم زبادى وشقيقه الشاب الذى يعمل فى شركه شمال كهرباء القاهرة
الدكتور مهندس ضياء زبادى للاطمئنان على البطل منذ ظهور صور البطل على المواقع الاخباريه والسوشيال ميديا
حفظ الله رجال الشرطه ورجال الحمايه المدنيه
وشكرا للمهندس ابراهيم زبادى الذى زرع فى أولاده حب الوطن والواجب وخدمه الوطن اهم من الروح بطل جديد يضاف لسجل طويل من الأبطال.
